2008大計

如果想2008年就搬返香港係妄想嘅話, 咁我希望...
生活上: 新一年可以工作上堂兩樣兼顧，新工作可以一切順利。
靈性上: 繼續追求神，更加認識祂和信靠祂。學習凡事謝恩。
關係上: 希望學習體恤別人, 改改脾氣...令身邊人容易招架。

寶島之後記

因為里一兩年來睇左太多台灣偶像劇啦！我對台灣特別有好感。一場去到一定逛逛D台劇景點啦！喺"惡魔在身邊"嘅新光三越, 嘻嘻! 可惜可惜我missed咗"王子變青蛙"入面佢地第一次跳華爾茲嗰間Club呀!

台北與香港---我當然選擇香港；台北與美國---不計政治氣候和工作發展機會, 台北也是一個好地方。我諗我已經被那些偶像劇薰陶不小了!

寶島之買定離手

九折唔買, ハ折唔買, 七折唔買, 五折...五折...終於無可抗拒。兩折? Oh my...盡地一鋪，買呀！

寶島之美食奴隸

吃不盡的台灣小食。甜的，辣的，鹹的，酸的，臭的，樣樣令你齒甲留香，回味無窮。士林夜市, 九份特色...真是令人念念不忘! 四天內完全沒有感覺到什麼是..."餓"。

寶島之行運達人

團友ハ人行: 瞓覺大過天嘅Vincent & Emily, 夜蒲到天光嘅Francis & Esther, 食極唔飽嘅Gilbert & Amy, 想停住每分每秒喺亞洲嘅我同Owen.

四日三夜嘅台北之旅，由到達飯店開始行...行...行...我地對腳根本已經冇哂知覺架啦!

我嘅手寫版

終於買咗個手寫版啦! 我同Owen一齊試機. 以下就係我地嘅心聲:
Owen: 趙子揚和潘惠賢是對好夫妻
Me: 我愛香港, 我要搬返嚟
Owen: 真係比佢激死！
Owen: 禀夫人, 小人本住在蘇洲既城邊, 家中有屋又有田, 生活樂無邊,
Me: 彈開呀! 九唔搭八!

澳門新面貌

晨早9點上船去澳門。上山拜Owen阿婆，食澳門特色食品豬扒包，奶撻，木糠布丁，參觀賭場，不過2點我地就決定搭船返香港喇!

見到澳門而家咁繁榮應該好鼓舞，但係一諗到D賭場不斷荼毒我地，我就百感交集。我地D中國人又係唔爭氣，賭性太強，係唔係我地D基因已經...唉!

棟篤笑

禽晚我地去左睇黃子華個棟篤笑。真係好得！不過好似上次一樣，睇完之後有大部份既野都唔記得，但係好肯定我地睇個時係笑得好勁，有時笑到流眼淚忝。

睇完已經係11點半，行出街重成街都係人。我就問自己究竟里個世界重有冇另外一個城市好似香港一樣既呢? Owen聽到就揶揄左我幾句，佢話係啦係啦，冇第二度似香港啦！我有D唔開心呀！已經唔可以響度住家啦，唔通連講下都唔准咩！我都費事采佢呀！

蟹

這兩天品嚐的都是圍繞著"蟹"。街邊的炸蟹餅，又平又底。酒樓的蟹粉小籠包，D汁又多又滋味，食既時候小心翼翼，為要保留所有美味既蟹汁。而家大閘蟹雖然唔係最當做，但係D糕一樣咁多。Yum！每一淡都漿住漿住，一路食一路回味無窮。 蟹粉撈麵---貴價，但係真係物有所值。只要用一個字黎形容---"正"。

大澳的天空

從東涌市乘坐45分鐘巴士，終於到達大澳。每次回港我都會盡量抽時間到這地方。我很喜歡看看香港的另一方面，靜靜的，平凡的，樸實的。

當然唔小得嚐嚐一些美食啦！山水豆腐花---好滑，真係好滑呀！特別係加上黃糖就更有風味。炭燒尤魚同瀨尿蝦---估唔到燒瀨尿蝦係咁好味架！好脆呀！加上辣汁簡直係無敵喇！新鮮白灼蝦---ok大隻不過好新鮮，入口彈牙鮮甜，就算唔點鼓油都好味！椒鹽鮮尤---好爽，D炸粉恰度好處，好！真係好！

帶住飽飽既大肚腩，我地既大澳之旅就此告一段落。

不會浪費每分每秒

在香港每天也會很早起床。我不要浪費在香港的每分每秒。雖然大部分的商店都在下午才開始營業，但是就算只是在家聽聽街上的喧鬧聲也好。看見街上的人都在趕上班趕上學，很有目的地為生活忙碌著。我也希望是他們的其中一分子。

昨晚跟Eva & Goobie聚舊，約了在IFC樓下見面。由中環站到香港站是我五年前每天必經的上班路線，經過美心餅店也是我從前常到買早餐的地方。舊地從遊，真的令人懷念。

孔李聯婚

一個期待以久的婚禮

麟麟是小我三歲的表弟，小時候我跟哥哥和他是最要好的。我們經常自創遊戲，還記得我最喜愛的是用婆婆的bamboo chair做海渡船和用齊姨的swirl chair做的士，"多多街"是可以轉最多圈的目的地。其實不知麟麟還有這些記憶嗎。

昨天是他與依曼的新婚之喜，我們全家都為他歡喜到不得了。其實我覺得我們一家無論是姨媽輩分或是表兄弟姐妹，每一位都是很感情豐富的人。當麟麟和依曼步入會場的時候，他一邊唱情歌，一邊接受所有賓客的祝福，場面真的太感人了！當我正在抹乾眼淚的時候，我發現我另一位表弟Derek也有感而發。當他讀我這篇日誌時，一定生我的氣。哈哈！

雖然麟麟不斷地說招呼不到，其實我們是一家人，一切一切都可以心照了。

電髮呀電髮，毛蟲都要電髮!

第一件事響香港要做就係攪攪個頭。髮型師阿Tom話："不要問，只要信"。洗剪電染吹，出黎既效果我有D睇唔慣，但係一定係新型像。而家我個樣真係好女仔呀！不過里個new look足足用左我五個鐘頭囉！

不再是夢

經過20小時的舟車勞動，終於聽到"本航班現已著陸香港國際機場"。 混濁的空氣，人們趕急的腳步，聽到身邊人大聲爆粗，我知道我真的回來了！

我飛啦！

向我的Dreamland 出發！

Albertina話萬歲喎！

多謝禽晚Albertina大豪客，請左我地13個去Bucca Di Beppo度食大餐。主要原因係想多謝我地係佢地個wedding度做helpers喎！其實我就覺得自己有D係"mand"車邊勒。不過我都唔客氣，食到飽到食唔落，重打埋包忝！我特登係自己個日誌度寫低，等我唔會唔記得囉！Albert...Tina...多謝多謝！

再見CKF

一間變得空空如也的辦公室。

今天是我在CKF工作的最後一天。在這裡工作了兩年多，老板跟某些同事更加是相處了五年多。我們一起經歷過的實在太多太多了。當中發生過生離死別，案件訴訟，升責加薪，裁員解雇，生命誕生，婚姻喜宴...等等。大部份在人生中會遇上的盛衰浮沈，我們都一起經歷過。我們不單是一起工作的同事，我們也真的像兄弟姊妹一樣。在悲傷時互相鼓勵，在快樂時一起慶祝。現在要跟他們一一說再見了，心裡真的不好受。以後我們將有自己新的工作崗位，繼續人生的另一頁。

終極決擇

跟Owen商量後，他也贊成我到銀行上班。他說我要向遠看，挑戰自己。哇！我突然好像充滿力量一樣。知道放假回來，有一個工作上的新開始，我現在放下心頭大石，也很期待這天來臨。這樣我可以在假期中無牽無掛，盡情玩樂了！

我感謝我的朋友們，願意細心聆聽和給我寶貴意見。最重要的是感謝神，為我預備，幫助我選擇了一份最適合的工作。

聖誕派對@Samsam & Ricky's

今年聖誕派對特別早，thanks to SamSam & Ricky to open their house for us again. White elephant gift exchange - 經過以前既經驗，今年個個對大件包裝既禮物都避之則吉。大家都唔想再見倒Deal or No Deal 或者Fortune Teller里D咁既"濕擠"野丫嗎! 今年好似大家都好實際，大部分既禮物都好實用，我對我自己既鴛鴦鍋就特別情有獨鍾，可惜比Vindy搶左。重有已經係Owen囊中物既Jenga又比可惡既Ricky搶埋。好采我地有太子牌花旗參茶做bargaining power， 最後重同Marvin換左10包辛辣麵忝! 我諗個箱辛辣麵都算係今年令人最起哄既禮物囉!

當晚既house rules係唔准絞腳同講英文數字，因為有太多線眼幫我，我贏左啦! 飯後一定唔小得更係遊戲大曬冷啦！ 麻雀一早就比D鐵腳霸住。麻雀能醫百病，連作病既阿山都變得如虎添翼。我地其他人就開始左adult version既Cranium。我地今期紅透半邊天既Michael都無令人失望, 佢係Star Performance環節既表現簡直係出神入化無人可比。實在帶比我地太多歡樂啦！佢扮hamster個樣我重歷歷在目。

經過一晚既大笑大叫，同朋友講下次再見將會係2008年果時，唔知點解心裡面有D莫名既捨不得忝!

魚與熊掌

我成功獲得之前提到的銀行職位了！ 現在我有兩份難以抉擇的工作。

Mortgage/RE Broker
Private/small firm
Fremont*
5 miles away from home*
10 minutes local*
No benefit
No 401k
Old/small office
Colleagues age group 35+
Exempt salary + “commission per closing”**
No potential/advancement

Bank – Commercial Lending
Publicly trade bank*
Santa Clara
20 miles away from home
45-60 minutes traffic
Medical/dental/vision benefit*
401k*
New/big office*
Colleagues age group 25+*
Non-exempt salary
Full of potential/advancement*

一方面我想建立一份專業，雄心壯志；令一方面又只想擁有賺錢買花帶的工作，無優無慮。我有那份烈火雄心嗎？我準備好學習的心情嗎？魚與熊掌不可兼得...怎麼辨呢？

書到用時方恨小

在星期二我到了一間銀行面試。在面試期間我談吐對答恰度好處，但我的弱點是缺忽accounting & finance background。我對這份工作也頗感興趣，我想真的是書到用時方恨小吧了！可是只要他們願意培訓，我也有信心可以升任。

出人意外地，昨天他們邀請我到第二次面試，我再次表現出我正確的工作態度加上對工作的熱誠，我的personality一定給他們留下一個好印象。會否獲得這機會，是否personality勝於experience，下星期就會揭曉。

禱告是我在面試前的強心針與震靜劑。感謝神，給我信心和聰明智慧去應付每一次面試，成功與否，我相信祂已為我安排預備。

Feliz Cumpleaños, Vincent!

Out of so many different cuisines, Vincent chose Chevy’s to celebrate his birthday this year. Thirteen of us were so prepared to treat him this big BIG meal, we used 4 coupons for buy one entree get the other for only $3.99. What a bargain eater!

情人眼裏出西施

里個禮拜又去左個friend既wedding。我地再一次證實情人眼裏真係會出西施架喎! 我即刻叫Owen講我三個優點。係我窮追猛打之下，佢終於比左以下三點： 感性，想細心時細心，慳。

其實三樣都唔知係讚定踩。感性---咪即係話我係喊包。"想"細心"時"細心---咪即係又暗示我大部分時間都唔係好"想"細心。至於慳囉喎---其實就話我太cheap。里個Owen重話不於叫佢講缺點就容易得多，重可以好快比到好多忝喎。好過份呀！

之後我又逼佢聽我比佢既優點，我諗一定係“忍耐”。因為一定要好有忍耐力先可以同我里個“惡霸”一齊。