團年迎鼠

團年飯當然係爸爸媽咪擔大旗預備啦！

我想起細個嗰時我，阿哥同麟麟會鬥快剝瓜子。一路剝，但係唔食住。我地會蓄埋一大堆一次過放晒入口，口感特別好，爽呀！小時候過年亦係家規大解放，可以夜一夜都唔瞓，重可以行花市，睇煙火。食好多好多又甜又熱氣嘅美食，喉D大人唔覺唔覺又可以飲好多氣水。總之新年就好好好開心架啦！

點解冇影全家幅？因為個個話: "開飯啦! 唔好影啦!"