返學風雲之嚇我唔死

今晚上堂前Owen和我到了In＆Out Burger吃了一客Double Double加fries。Double Double真的比Cheese Burger好味得多，無論肉汁口感都出色過人。可能因為"麭"氣攻心，阿Sir播了15分鐘短片，我差點兒睡着了。突然! 校內的火警鐘響起，阿Sir吩咐我們慢慢離開，我們跟着人群走到停車場，正當我們猶疑着回家還是留下，警鐘聲停下了。沒有人知道發生甚麼事，大家都若無其事地回到課室內。這小小的插曲令醺睡的我醒過來了。

The Great China

這間家庭式經營的中餐館真的值得推介。一家為予Berkeley的小小飯店，昨晚天寒地冬，店外仍有很多人在輪候。我們一行十六人，幸好預定位了。北京烤鴨，涼拌粉皮，賽旁蟹送大麭，菜肉水餃...肚子再也放不下任何再多的食物了! 離去時帶着滿載而歸的肚子，街上變得一點都不冷了。一頓愉快的晚餐一定要有一班好友一起分享才是最重要。
2115 Kittredge, Berkeley
(510) 843-7996

朋友，我當你一世朋友

小琪是我來美後第三位認識的朋友。初相識的日子，她教懂了我走堂去避過那討厭的美國歷史課。多年來在很多小事上，我也看見她把我這位性格上有缺陷而且睥氣暴躁的朋友放在心上。想起她與我分享她姐姐為她預備的腐皮壽司; 從前她在餅店做兼職會帶美味的oatmeal & raisin cookies給我; 到她後期在vending machine公司做accountant的時候也不忘帶不同的小食給我。她總是用食物來哄我，難道我的臉上流露着貪食兩字？

昨晚她特意為我們預備了芝麻糊，外面行雷閃電也沒有阻止她將又滑又甜的甜點帶來與我們分享。小琪她聰明，善解人意，體貼入微，更是靜心的聆聽者。與她傾訴是多麽舒服的事，她常常給我無限的支持和安慰。我們一起的學生時代和成長的片段實在太多太多...有她這樣的朋友，真是我的福氣。

人比人

究竟成功是用甚麽來衡量呢? 是用社會地位嗎？是用學歷嗎？還是用個人收入來做標準呢？常常說不要與人相比，但心裡總是不其然的作出比較。我討厭自己有眼紅的時候，羨慕的時候，也有心中不氛的時候。心裡有時會怨天尤人，但又氣自己不夠爭氣。這是個人的錯，還是制度的錯？真想能夠拋開世俗的價值觀，那就變得輕鬆多了！

相信自己的價值，用自己的標準去進步好嗎？

我"形"的員工証

我好似已成為"形"廣告社的員工了。家嵐和載安娜是我上司；Gary，Marco，武紀勇哩三個風塵三俠太攪笑啦！好想知道Doris同樓下Canteen嘅昌哥會唔會發展；家嵐同Vincent嘅19年友情會唔會轉型；OA祥仔會唔會同大祕書Helena複合；最最最緊要係裘俊幾時先放棄珠珠，再向載安娜表白呀！

"只得一次"
聽聽歌曲再次記起 奔波中生活或太膩
誰願花光 全部心機 為求剎那的歡喜
他跟她可會再記起 彼此相識就是趣味
名利拋開 曾無私獻技 原來這是誰的福氣
偏愛面子 總不肯開口 太沒有意思
明明可以 像回復當年那樣子
捨棄面子 講一聲很愛 聽罷就會知
然而 忙著多的是 誰沒有守時 而這種機會只得一次
很想講一句在意嗎 親暱的關係未變吧
如若講出 遲來的說話 連人間寂寥都不怕
寫上地址 簡單的祝福 看罷就會知
然而心意 若遺下了就變歷史
誰人寫出心事 誰人沒有守時 原來這種機會只得一次

化鳥？

豉油雞？

既然Owen咁大手筆，佢出豉油，我出雞啦！整番餐牛扒慰勞吓囉！

昇華

偕因家規之"慳"字行頭，Owen和我一定會預早慶祝情人節。今年我收到一份大大禮，價錢以千位計。就是他將今年的地稅攬上身了。我們真是實事求事啊! 其他人聽到可能會想這樣很沒有意思，但我反而覺得我們的感情是昇華了才是真。

十八年後又一好漢 - February 10, 1990

一九九零年二月十日，這天是我家移民來美的日子。一個我十八年來都不想接受的日子。相信所有父母也是為了他們兒女的學業和將來才選擇移民到人生路不熟的地方。人們都說移了民就像變了又盲又聾又跛，但是為了適應新生活，再苦再難都可以應付。做父母真是偉大啊！

美國的而且確給了我一個便宜的大學學位，也給了我人生的另一片天... 還是學懂數算思典吧！

這就是我們的鏗鏘集之綠咭何價。

鼠年行大運

今年大年初一同爸爸媽咪去咗鋸扒!

我D過年spirit就喺我打長途電話番香港嘅時候出晒嚟。唔理係邊個，一拎起個電話，第一句就係新年快樂。小時候過年我地會在家與嫲嫲食飯，跟住再到婆婆家慶祝，她會預備每家一底籮白糕和年糕。小朋友同大人一齊做"角仔"，從大部分ordinary嘅角仔中，一定有我地小朋友特別設計而又奇形怪狀的製成品。至於最後designer有冇品嚐自己嘅作品？我諗結果唔重要，最緊要係個過程丫嗎。

今年屋企最有新年色彩就係媽咪比我嘅一對對聯： 迎春迎喜迎富貴；接財接福接平安！不過我還是喜歡早日回港，衣錦還鄉！

(-65897)+(-7906) = ________?

M: 今日返工我又比D加減乘除玩死啦！
O: 講嚟聽吓?
M: 咪負數加負數囉！
O: 加負數咪即係減囉！點唔識呀?
M: 但係部計數機噤唔倒個負號丫嗎！
O: 咁你咪用個零減咗個正數先囉！Hello?
M: 你嘅語氣好似覺得我係低能咁喎！
O: 但係咁簡單嘅野你都攪唔掂好難幫你架喎！
M: 之前做mortgage又點會要用到負數同代數架?
O: 但係哩D係讀完小學都應該識架啦！
M: 你巳經傷咗我自尊心啦！

我將哩件事話比我媽咪知，佢竟然再插多我兩刀，佢重話咁你又係幾低能嘅！太過份啦！轉數低無罪架？

團年迎鼠

團年飯當然係爸爸媽咪擔大旗預備啦！

我想起細個嗰時我，阿哥同麟麟會鬥快剝瓜子。一路剝，但係唔食住。我地會蓄埋一大堆一次過放晒入口，口感特別好，爽呀！小時候過年亦係家規大解放，可以夜一夜都唔瞓，重可以行花市，睇煙火。食好多好多又甜又熱氣嘅美食，喉D大人唔覺唔覺又可以飲好多氣水。總之新年就好好好開心架啦！

點解冇影全家幅？因為個個話: "開飯啦! 唔好影啦!"

人蠢無藥醫

一本可以做健身嘅書，足足五六磅。
M: 我開始做功課啦！
O: 哦！你做先啦！我之後再同你Check啦！
M: 我有問題呀！
O: Algebra你都唔掂？ A=L+OE ，咁OE咪=A-L囉!
M: ...

當做左成個鐘頭後，我發現阿Sir規定要用會計columnar paper或者typed on 8.5 by 11 inch paper。吓！咁咪要由頭做過？
M: 我點用電腦打呀？要畫好多Chart架喎！
O: 哦！咁去買columnar paper囉！
M: 哎呀！咁煩，咁多要求架！

終於加加埋埋用左成四個幾鐘，真係四個幾鐘，終於做完啦！條頸又痛，眼又睏，手指重寫到起左個小枕忝！真係無誇張架！
M: 我要瞓啦！超級睏呀！
O: 好啦！我而架開始讀吓本書啦！

第二嘲早...
O: 我睇完第一課，我會用Excel做功課。
M: Excel? 點解你唔話比我知可以用Excel做呀！
O: 我噙晚睇完D題目先覺得用Excel做可以快好多喎！
M: 有冇攪錯呀！你明明見到我畫晒表，我重問你點用電腦做，你做乜之前唔提我可以用Excel先得架？
O: 我之前冇睇到D題目丫嗎？
M: 你點會冇睇呀！妖! 如果用Excel，我就可以copy & paste, set晒formula啦！
O: 哈哈！或者我用Excel做重耐呢！
M: 我唔覺得好笑喎！@$#%$&(*^&%^%$%#&^^(@&(&**!

我而架一路寫Blog，半個鐘佢已經做左三份一啦！
激死我啦！